İtaliya kubokunda rekord - Bilet satışından 5 milyon avro gəlir!
Bu gün keçiriləcək İtaliya kubokunun finalında anşlaq olacaq.
Msport.az xəbər verir ki, “Yuventus”la “İnter” arasında Roma “Olimpiko” stadionunda olacaq həlledici oyuna 68 min bilet satılıb.
Arena 70 634 azarkeş tutumuna malik olsa da, final günü stadiona 68 min tamaşaçı buraxılacaq.
Bilet satışından gələn gəlirin 5 milyon avro olması gözlənilir. Bu, turnirin yeni rekordu olacaq.
Bir ay əvvəl İtaliya kubokunun yarımfinalında “İnter” – “Milan” matçında (3:0) “Cüzeppe Meatsa”ya 74 508 azarkeş gəlmişdi. Həmin vaxt bilet satışından 4,16 milyon avro qazanılmışdı.
Bu gün finalda qalib gələn komanda 4,5, uduzan tərəf isə 2 milyon mükafat əldə edəcək.
