"Karyeramızın son matçını oynayırmış kimi cəsarətli olmalıyıq" - Slovakiya yığmasının üzvü
Slovakiya yığmasının futbolçusu Stanislav Lobotka UEFA Millətlər Liqası çərçivəsində Azərbaycan millisinə qarşı keçirəcəkləri oyundan danışıb.
Msport.az “pravda.sk”ya istinadən xəbər verir ki, “Napoli”nin yarımmüdafiəçisi belə deyib:
“Mənə verilən tapşırıqları yerinə yetirirəm. Bu rəqiblərdən birinə meydan versən və yaxşı oynasa, hamı təccüblənir. Biz karyeramızın son matçını oynayırmış kimi cəsarətli olmalıyıq”.
Qeyd edək ki, Azərbaycan millisi sentyabrın 22-də Trnavada Slovakiya yığmasının qonağı olacaq. Oyun Bakı vaxtı ilə 22:45-də başlayacaq. Son turda isə komandamız Bakıda Qazaxıstanı qəbul edəcək, Slovakiya isə öz meydanında Belarusla qarşılaşacaq.
