Laporta Superliqa klublarını UEFA ilə əməkdaşlığa çağırdı
“Barselona” prezidenti Joan Laporta UEFA top klubların UEFA ilə münasibətlərindən danışıb. Msport.az xəbər verir ki, Kataloniya təmsilçisinin rəhbəri Superliqa ideyasını dəstəyən klubları UEFA ilə danışıqlara çağırıb.
“PSJ-nin prezidenti Naserlə (Superliqanın əlehinə çıxır) bizim çox yaxşı münasibətlərimiz var. “Barselona” Avropa futbolunda sülhün tərəfdarıdır. Biz UEFA ilə razılığa gəlmişik və ora qayıtmaq istəyirik. Superliqa klubları UEFA-ya dönməlidirlər. “Barsa” UEFA ilə sıx əməkdaşlıq edir” – Laporta belə deyib.
Qeyd edək ki, Superliqada rəsmi olaraq yalnız “Real” və “Barselona” qalıb.
