“Levante” 5-ci dəfə La Liqanı tərk etdi
“Levante”nin İspaniya La Liqasını tərk etməsi rəsmiləşib.
Msport.az xəbər verir ki, 26-cı turda “Real”a 0:6 hesablı məğlubiyyətdən sonra Valensiya təmsilçisi 29 xalla sonuncu pillədə qalıb və elitada yerini qoruya bilməyib.
35 xalla 17-ci yeri tutan “Kadis” rəqibini şəxsi oyunlara görə qabaqlayır.
“Levante” tarixdə 5-ci dəfədir ki, yüksək liqanı tərk edir. Komanda XXI əsrdə dördüncü dəfədir ki, güclülərin yarışını tərk edir – 1965, 2005, 2008, 2016 və 2022-ci illər.
Bu əsrdə yalnız “Valyadolid” La Liqa ilə bu qədər çox vidalaşıb.