“Mançester Siti”ni “Arsenal”a dəyişmək istəyir
“Mançester Siti”nin hücumçusu Qabriel Jesus “Arsenal”la müqaviləyə razılıq verib.
Msport.az xəbər verir ki, “topçular”ın rəhbərliyi futbolçunu klubun uğurlu gələcəyi üçün vacib oyunçu olduğuna inandırıb.
Lakin “Mançester Siti”nin futbolçu üçün tələb etdiyi 60 milyon avro məbləğ transferə mane ola bilər.
Jesus son mövsümdə “Mançester Siti”nin heyətində 41 oyuna çıxıb, 13 qol vurub və 12 məhsuldar ötürmə edib. Onun klubla müqaviləsi 2023-cü ilin iyununa qədərdir.
