“Mançester Yunayted”i “Roma”ya dəyişdi
“Mançester Yunayted”dən azad agent qismində ayrılan Nemanya Matiç “Roma”ya keçib.
Msport.az xəbər verir ki, bu barədə paytaxt təmsilçisinin rəsmi saytı məlumat yayıb.
33 yaşlı serb futbolçu yeni klubu ilə 1 illik anlaşmaya imza atıb. Dayaq yarımmüdafiəçisi “canavarlar”ın sıralarında 21 nömrəli formanı geyinəcək.
Matiç 2017-ci ildə “Çelsi”dən MY-yə keçib. Son mövsümdə bütün turnirlərdə 32 matça çıxan serbiyalı oyunçu 4 məhsuldar ötürmə müəllifi olub. O, həm “zadəganlar”ın, həm də “qırmızı şeytanlar”ın heyətində “Roma”nın indiki baş məşqçisi Joze Mourinyunun rəhbərliyi altında çıxış edib.
Matiç daha əvvəl “Benfika”da da oynayıb.
