Marko Yankoviç: “Maksimumuzu verməyə çalışacağıq”
UEFA Çempionlar Liqasının V turunda “Qarabağ” səfərdə “Napoli”nin qonağı olacaq.
Msport.az xəbər verir ki, oyundan öncə keçirilən mətbuat konfransında Marko Yankoviç jurnalistlərin suallarını cavablandırıb:
“Napoli” güclü komandadır. Bilirik ki, İtaliya çempionu ilə oynamaq maraqlı olacaq. Biz öz oyunumuzu göstərəcəyik. Maksimumuzu verməyə çalışacağıq”.
– Konte bildirmişdi ki, siz Çempionlar Liqasında çevriliş edən bir komandasınız. Düşünürsüzmü ki, sabahkı nəticə sizin istədiyiniz kimi olacaq?
– Çətin olacaq. Bizim də öz ambisiyalarımız var. 7 xalımız var və bu xallar göstərir ki, güclü komandalara qarşı oynaya bilirik.
– Bir neçə il əvvəl başqa bir komandanın heyətində “Napoli”yə qarşı oynamısan. Həmin vaxtdakı “Napoli” ilə indikini müqayisə etsən, nəyin dəyişdiyini görərsən?
– “Napoli”nin möhtəşəm oyunçuları var. Hər zaman güclü bir komanda olub. Az öncə də bildirdiyim kimi, biz öz oyunumuzu oynamağa çalışacağıq.
