"Mbappe elə bilir ki, o, PSJ-dən daha vacib və əhəmiyyətlidir?" - Tyeri Anri
“Arsenal”ın və Fransa millisinin sabiq hücumçusu Tyeri Anri Kilian Mbappe haqqında fikirlərini açıqlayıb.
Msport.az Fransa mətbuatına istinadən xəbər verir ki, Anri Mbappenin PSJ-dəki davranışını tənqid edib:
“İstənilən futbolçudan böyük olan bir şey var – o da klubdur. Kilian elə bilir ki, o PSJ-dən daha vacib və əhəmiyyətlidir? Özümlə bağlı bir misal çəkim. “Barselona”da cinahda oynamaqdan xoşum gəlmirdi. Bundan zəhləm gedirdi, lakin komanda naminə edirdim. Bir qayda mövcuddur: əgər məşqçi sizə bir şeyi “elə” deyirsə, bu, komandanın xeyrinədirsə, eləməlisiniz. Əgər buna əmin deyilsinizsə, o zaman məşqçi ilə məsələni müzakirə edin”.
Qeyd edək ki, bir müddət əvvəl Mbappenin PSJ-dəki vəziyyətdən narahat olduğu və klubu tərk etmək istəməsi barədə xəbər yayılmışdı.
