Messi və Ronaldo eyni klubda forma geyinə bilər!
“Mançester Yunayted”in hücumçusu Kriştiano Ronaldonun agenti Jorje Mendeş futbolçunun PSJ-yə keçməsi üçün danışıqlar aparır.
Msport.az Fransa mətbuatına istinadən xəbər verir ki, Paris klubunun prezidentinin müşaviri Luis Kampos 37 yaşlı portuqaliyalının mümkün transferi ilə bağlı Mendeşlə əlaqə saxlayıb.
Ronaldo “Mançester Yunayted”in bir neçə məşqini buraxıb. Futbolçunun ailəvi səbəblərə görə komandanın Tailand və Avstraliyadakı mövsümöncəsi hazırlıq toplanışını buraxacağı bildirilir.
Ronaldo 2003-2009-cu illərdə “qırmızı şeytanlar”da çıxış edib, 2021-ci ilin avqustunda yenidən “Mançester Yunayted”ə qayıdıb. O, ötən mövsüm “Mançester Yunayted”in heyətində 38 matçda 24 qol vurub və 3 məhsuldar ötürmə edib.
