Mətbuat konfransını yarımçıq tərk etdi
PSJ-nin baş məşqçisi Luis Enrike “Paris”lə Liqa-1-in 34-cü turunun oyunundan (1:2) sonra mətbuat konfransını yarımçıq tərk edib.
Msport.az xəbər verir ki, PSJ bu mövsüm ikinci dəfə derbidə məğlub olub.
Məşqçi jurnalistin “Sizin bu mövsüm “Paris”dən 2 məğlubiyyətiniz oldu. Odur ki,… sualını sona çatdırmağa imkan verməyib. O, “çox sağ olun” deyərək mətbuat konfransını tərk edib.
Qeyd edək ki, PSJ liqanın debütantına Fransa kubokunun 1/16 finalında da 0:1 uduzub.
PSJ mövsümü 76 xalla 1-ci yerdə başa vurub. “Paris” isə 44 xalla 11-ci olub.
