Millimiz Qırğızıstanla qarşılaşacaq
16 yaşadək futbolçulardan ibarət Azərbaycan millisi Qəbələdə təşkil olunan III MDB Oyunlarında bu gün ikinci oyununa çıxacaq.
Msport.az xəbər verir ki, A qrupunda yer alan U-16 Qırğızıstanın müvafiq yaş qrupundan ibarət komandası ilə qarşılaşacaq.
Qəbələ şəhər stadionunda keçiriləcək görüş saat 12:00-da başlanacaq və “CBC Sport” kanalı vasitəsilə canlı yayımlanacaq.
Qeyd edək ki, millimiz qrupdakı ilk oyununda Tacikistan yığmasını 1:0 hesabı ilə məğlub edib.
