Millimizin məşqçisi UEFA Pro kursunda
AFFA-nın təşkilatçılığı ilə Təhsil və Reabilitasiya Mərkəzində UEFA-nın Pro kateqoriyalı məşqçi kursunun IV mərhələsinə (fitnes modul) start verilib.
Msport.az xəbər verir ki, UEFA-dan dəvət olunan Fritz Şmid tərəfindən keçirilən kursda, həmçinin AFFA-nın təhsil şöbəsinin rəhbəri Aslan Kərimov və təlimatçı Osman Rəhimovda iştirak edirlər. Millimizin məşqçisi Elnur Çodarov, U-17 yığmamızın baş məşqçisi Aqil Nəbiyev, həmçinin Rəşad Abdullayev, Vaqif Cavadov və Elman Sultanov da iştirakçılar arasında olub.
Kursa oktyabrın 30-da yekun vurulacaq.
