"Minyole "Qarabağ" kabusunu unutdurdu - "Marca" qəzeti - FOTO
İspaniyanın məşhur “Marca” nəşri “Atletiko”nun Belçika “Brügge”sinə qarşı UEFA Çempionlar Liqasının qrup mərhələsindəki oyunları ilə bağlı yazı dərc edib.
Msport.az xəbər verir ki, qəzet Madrid klubunun hər iki matçda rəqib qapısına yol tapa bilmədiyini xatırladıb.
Burada belçikalı qapıçı Simon Minyolenin çıxışı xüsusi qeyd olunub.
Oyun “Atletiko”nun 2017/2018 mövsümündə “Qarabağ”a qarşı UEFA Çempionlar Liqasının qrup matçları ilə müqayisə edilib. Məqalənin başlığında “Minyole “Qarabağ” kabusunu unutdurdu” yazılıb.
Qeyd edək ki, III turda Belçikada rəqibinə 0:2 hesabı ilə uduzan “Atletiko” IV turda evdə qolsuz heç-heçəyə razılaşıb. “Qarabağ” isə 5 il əvvəl Çempionlar Liqasının qrup mərhələsinin hər iki qarşılaşmasında “Atletiko” ilə bərabərə qalmışdı – 0:0 və 1:1.
