“Napoli” “Mançester Yunayted”in hücumçusunu icarəyə götürür
“Napoli” “Mançester Yunayted”in hücumçusu Rasmus Hoylundu icarəyə götürür. Msport.az xəbər verir ki, bu barədə insayder Fabritsio Romano məlumat yayıb.
İtaliya klubu danimarkalı futbolçunu 6 milyon avroya icarəyə götürəcək. Müqavilədə göstərilib ki, Neapol təmsilçisi forvardı almaq istəsə, 44 milyon avro ödəməlidir.
Hoylund 2023-cü ilin avqustundan “Mançester Yunayted”də çıxış edir. O, bu müddət ərzində bütün turnirlərdə 95 oyunda 26 qol vurub və 6 məhsuldar ötürmə verib.
Onun “qırmızı şeytanlar”la müqaviləsi 2028-ci ilin yayına qədərdir.
