"Neftçi" "Zirə"yə qarşı, Tovuzda daha bir qarşılaşma
Bu gün Azərbaycan Premyer Liqasında 30-cu turun son iki oyunu keçiriləcək.
Msport.az xəbər verir ki, günün ilk görüşündə “Kəpəz” Tovuzda “Araz Naxçıvan”ı qəbul edəcək. Azər Bağırovun komandası bu qarşılaşmada qalib gəlsə, turnir cədvəlində “Sumqayıt”ı geridə qoyaraq 8-ci sıraya yüksələcək.
Turun son oyununda isə “Neftçi” doğma divarlar arasında “Zirə” ilə üz-üzə gələcək. “Ağ-qaralar” 35 xalla 6-cı, Rəşad Sadıqovun komandası isə 55 xalla ikinci yeri tutur. “Neftçi” qələbə qazansa, turnir cədvəlində “Sabah”ı keçəcək.
Azərbaycan Premyer Liqası, 30-cu tur
13 aprel
17:00. “Kəpəz” – “Araz-Naxçıvan”
Hakimlər: Kamal Umudlu, Vüsal Məmmədov, Müslüm Əliyev, Əli Əliyev
VAR: İnqilab Məmmədov
AVAR: Namiq Hüseynov
Tovuz şəhər stadionu
19:15. “Neftçi” – “Zirə”
Hakimlər: Rəşad Əhmədov, Zöhrab Abbasov, Teymur Teymurov, Elvin Bayramov
VAR: Nicat İsmayıllı
AVAR: Rahil Ramazanov
“Neftçi Arena”.
11 aprel
“Səbail” – “Qarabağ” – 1:4
12 aprel
“Turan Tovuz” – “Sabah” – 2:1
“Sumqayıt” – “Şamaxı” – 1:2
