Premyer Liqa: Avrokuboka iddialılar üz-üzə
Bu gün Azərbaycan Premyer Liqasında XXXI tura start veriləcək.
Msport.az xəbər verir ki, ilk gündə 1 oyun keçiriləcək.
Turun açılış matçında avrokuboklara iddia edən “Araz-Naxçıvan”la “Turan Tovuz” üz-üzə gələcək. Komandalar hazırda turnir cədvəlində qonşudur. “Araz-Naxçıvan” 52 xalla üçüncü, “Turan Tovuz” isə 47 xalla dördüncüdür. Tovuz təmsilçisi bürünc medal ümidlərini artırmaq üçün səfərdə mütləq qalib gəlməlidir. Əks təqdirdə, naxçıvanlılar ilk “üçlük”dəki yerini böyük ölçüdə təmin edəcək.
Azərbaycan Premyer Liqası
XXXI tur
18 aprel
19:00. “Araz-Naxçıvan” – “Turan Tovuz”
Hakimlər: Əliyar Ağayev, Zeynal Zeynalov, Akif Əmirəli, Kamran Əliyev
VAR: Tural Qurbanov
AVAR: Asiman Əzizli
Hakim-inspektor: Babək Quliyev
AFFA nümayəndəsi: Elgiz Abbasov
“Liv Bona Dea Arena”
Qeyd edək ki, turun digər oyunları aprelin 19-20-də keçiriləcək.
