Premyer Liqa: "Araz-Naxçıvan"dan növbəti qələbə
Futbol üzrə Azərbaycan Premyer Liqasında X tura yekun vurulub.
Msport.az xəbər verir ki, son matçda “Qəbələ” “Araz-Naxçıvan”ı qəbul edib.
Qələbə şəhər stadionundakı qarşılaşma qonaqların 4:1 hesablı qələbəsi ilə bitib. Naxçıvan təmsilçisinin heyətində 32-ci dəqiqədə Turan Manafov, 44-cü dəqiqədə Kadiri Məhəmməd, 69-cu dəqiqədə Elviş Maşike, 71-ci dəqiqədə Miço Kuzmanoviç fərqlənib.
Meydan sahiblərində Samuel Tetteh 37-ci dəqiqədə rəqib qapısına yol tapa bilib. Bundan əlavə, “Qəbələ”dən İlkin Qırtımov 28-ci dəqiqədə birbaşa qırmızı, 60-cı dəqiqədə Osama Xalayla ikinci sarı vərəqəni alaraq meydandan qovulublar.
Bu nəticədən sonra xallarının sayını 17-yə çatdıran “Araz-Naxçıvan” üçüncü sıradakı “Səbail”ə çatıb. “Qırmızı-qaralar” 7 xalla doqquzuncudur.
Qeyd edək ki, turun əvvəlki oyunlarında “Neftçi” “Səbail”i (4:2), “Sabah” “Sumqayıt”ı (3:1) məğlub edib. “Turan Tovuz” – “Qarabağ” (2:2), “Kəpəz” – “Zirə” (0:0) görüşlərində qalib müəyyənləşməyib.
————————-
Azərbaycan Premyer Liqasında X tur başa çatacaq.
Msport.az xəbər verir ki, son olaraq “Qəbələ” “Araz-Naxçıvan”la üz-üzə gələcək.
Qəbələ şəhər stadionundakı matç saat 16:30-da başlanacaq. Meydan sahibləri 7 xalla 9-cu, qonaqlar 14 xalla 5-ci pillədə qərarlaşıb.
16:30. “Qəbələ”– “Araz-Naxçıvan” 1:4
Hakimlər: Tural Qurbanov, Elşad Abdullayev, Vüsal Məmmədov, Əli Əliyev
Hakim-inspektor: Orxan Məmmədov
AFFA nümayəndəsi: Azər Əsgərov
Qəbələ şəhər stadionu
Qeyd edək ki, turun əvvəlki oyunlarında “Neftçi” “Səbail”i (4:2), “Sabah” “Sumqayıt”ı (3:1) məğlub edib. “Turan Tovuz” – “Qarabağ” (2:2), “Kəpəz” – “Zirə” görüşlərində qalib müəyyənləşməyib.
