Premyer Liqa: “Sabah” evdə “Şamaxı”nı məğlub etdi
Azərbaycan Premyer Liqasında 34-cü tura start verilib.
Msport.az xəbər verir ki, açılış matçında “Sabah” “Şamaxı”nı qəbul edib.
Oyun paytaxt təmsilçisinin 3:1 hesablı qələbəsi ilə yekunlaşıb. Meydan sahiblərinin qollarını 12 və 72-ci dəqiqədə İqor Noqeyra, 90+3-cü dəqiqədə Pavel Safranko vurub. Qonaqlarda Leroy Mikels 26-cı dəqiqədə fərqlənib.
Bu nəticədən sonra xallarının sayını 44-ə çatdıran “Sabah” 5-ci pillədə qərarlaşıb, “Şamaxı” isə 36 xalla 7-ci sıradadır.
Qeyd edək ki, tura mayın 11-də yekun vurulacaq.
