Premyer Liqa: “Zirə”yə 1 qol bəs etdi
Azərbaycan Premyer Liqasının XXXII turunda daha bir oyun keçirilib.
Msport.az xəbər verir ki, “Zirə” “Kəpəz”in qonağı olub.
Tovuz şəhər stadionunda baş tutan qarşılaşma Bakı klubunun 1:0 hesablı qələbəsi ilə yekunlaşıb. Qəsəbə təmsilçisinə 3 xalı qazandıran qola 64-cü dəqiqədə Salifu Suma imza atıb.
Artıq ilk “üçlük”dəki yerini təmin edən “Zirə” bu nəticədən sonra 64 xalla ikinci pillədə qərarlaşıb. 9-cu yerdə olan gəncəlilərin isə 28 xalı var.
Qeyd edək ki, turun daha əvvəl baş tutan “Turan Tovuz” – “Şamaxı” matçı 1:1 hesablı bərabərliklə bitib. Tura aprelin 28-də yekun vurulacaq.
