"Zirə"dən heç-heçə, "Turan Tovuz"dan darmadağın
Futbol üzrə Azərbaycan Premyer Liqasında XI turun daha bir oyunu keçirilib.
Msport.az xəbər verir ki, Qərb derbisində “Turan Tovuz” “Kəpəz”i qəbul edib.
Tovuz şəhər stadionundakı qarşılaşma meydan sahiblərinin 4:0 hesablı qələbəsi ilə bitib. Qolları 45-ci dəqiqədə Otto Con, 54-cü dəqiqədə Roderik Miller, 58-ci dəqiqədə Sertan Taşkın, 67-ci dəqiqədə Luis Paçu vurub.
Bu nəticədən sonra xallarının sayını 15-ə çatdıran Tovuz klubu beşinci sırada “Neftçi”yə çatıb. Gəncə təmsilçisi isə 6 xalla sonuncu – 10-cu yerdədir.
Qeyd edək ki, günün ilk görüşündə “Zirə” “Səbail”lə heç-heçə edib – 2:2. XI turun qalan oyunları 29-30 oktyabrda baş tutacaq.
——————————–
Futbol üzrə Azərbaycan Premyer Liqasında XI tura start verilib.
Msport.az xəbər verir ki, günün ilk oyununda “Zirə” “Səbail”i qəbul edib.
Qarşılaşma 2:2 hesabı ilə yekunlaşıb. “Qartallar”ın qollarını 19-cu dəqiqədə İssa Cibrilla, 78-ci dəqiqədə Rüstəm Əhmədzadə vurub. “Dənizçilər”də 31 və 34-cü dəqiqələrdə Pedro Nuno fərqlənib.
“Zirə” hələlik 21 xalla liderliyini davam etdirir. “Səbail” 18 xalla üçüncü sıradadır.
Qeyd edək ki, günün digər görüşündə “Turan Tovuz” “Kəpəz”i qəbul edəcək. XI turun digər oyunları 29-30 oktyabrda baş tutacaq.
———-‐—–
Bu gün Azərbaycan Premyer Liqasında XI tur başlanacaq.
Msport.az xəbər verir ki, oyunlardan biri Bakıda, digəri Tovuzda olacaq.
İlk olaraq “Zirə” “Səbail”i qəbul edəcək. “Qartallar” 20 xalla birinci, “dənizçilər” 17 xalla üçüncü pillədə qərarlaşıb.
Günün ikinci qarşılaşmasında Qərb derbisi reallaşacaq. “Turan Tovuz” evdə “Kəpəz”lə üz-üzə gələcək. Tovuz təmsilçisi 12 xalla 7-ci, Gəncə klubu 6 xalla sonuncu – 10-cu yerdədir.
Azərbaycan Premyer Liqası, XI tur
16:00. “Zirə” – “Səbail” 2:1
Hakimlər: Rauf Cabarov, Namiq Hüseynov, Müslüm Əliyev, Kamran Əliyev
Hakim-inspektor: Barış Şimşek
AFFA nümayəndəsi: Eldəniz Musayev
Zirə İK stadionu
19:00. “Turan Tovuz” – “Kəpəz” 4:0
Hakimlər: İnqilab Məmmədov, Zöhrab Abbasov, Teymur Teymurov, Nicat İsmayıllı
Hakim-inspektor: Ramil Diniyev
AFFA nümayəndəsi: Əsgər Əmirəliyev
Tovuz şəhər stadionu
Qeyd edək ki, XI turun digər görüşləri 29-30 oktyabrda baş tutacaq.
