"Səbail"dən növbəti qələbə - YENİLƏNDİ
Futbol üzrə Azərbaycan Premyer Liqasında XII tura start verilib.
Msport.az xəbər verir ki, açılış matçında “Səbail” “Turan Tovuz”u qəbul edib.
“ASCO Arena”dakı qarşılaşma meydan sahiblərinin 2:1 hesablı qələbəsi ilə yekunlaşıb. Qonaqların heyətində Otto Con 26-cı dəqiqədə hesabı açıb. 46-cı dəqiqədə Rüfət Abdullazadə bərabərlik qolunu vurub. 77-ci dəqiqədə “dənizçilər”dən Aleksandr Ramalinqom penaltini dəqiq yerinə yetirməklə görüşdə son nötqəni qoyub.
“Səbail” qələbə sayəsində 21-ci xalını qazanıb və lider “Zirə”yə çatıb. Bölgə təmsilçisi 15 xalla 6-cı pillədə qərarlaşıb.
Qeyd edək ki, XII turun digər görüşləri 4-5 noyabrda olacaq.
______________________
Bu gün Azərbaycan Premyer Liqasında XII turun bir oyunla başlanacaq.
Msport.az xəbər verir ki, “Zəfər turu”nun açılış qarşılaşması Bakıda olacaq.
“Səbail” “ASCO Arena”da “Turan Tovuz”u sınağa çəkəcək. Görüş saat 19:00-a təyin olunub. “Dənizçilər” 18 xalla 4-cü, qonaqlar 15 xalla 6-cı sıradadır.
Qeyd edək ki, XII turun digər görüşləri 4-5 noyabrda gerçəkləşəcək.
Azərbaycan Premyer Liqası, XII tur
19:00. “Səbail” – “Turan Tovuz”
Hakimlər: Kamranbəy Rəhimov, Kamran Bayramov, Cəmil Quliyev, Rauf Allahverdiyev
VAR: Əliyar Ağayev
AVAR: Zeynal Zeynalov
Hakim-inspektor: Babək Quliyev
AFFA nümayəndəsi: Məmmədəli Məmmədov
“ASCO Arena”
