Premyer Liqanı qazanan ən gənc ikinci baş məşqçi
“Arsenal”ın 44 yaşlı baş məşqçisi Mikel Arteta, 2005/2006 mövsümündə “Çelsi” ilə titul qazanan 43 yaşlı Joze Mourinyodan bəri İngiltərə Premyer Liqası titulunu qazanan ən gənc baş məşqçidir.
Msport.az xəbər verir ki, Artetanın rəhbərliyi altında “Arsenal” 22 illik fasiləyə son qoyaraq 2025/26 mövsümündə çempion titulu qazanıb.
Mayın 19-da “Arsenal”, 2025/26 mövsümündə İngiltərə Premyer Liqasının çempion titulunu erkən qazanıb. “Arsenal” 22 ildən sonra ilk dəfə Premyer Liqa çempionu olub. Bu, Premyer Liqanın 37-ci turundan sonra baş verib. Bu turda “topçular” “Bernli”ni məğlubiyyətə uğradıblar, “Mançester Siti” isə “Bornmut”la 1-1 hesablı heç-heçə edib.
“Arsenal” 82 xal qazanaraq İngiltərə çempionu olub. “Mançester Siti” isə 37 oyundan sonra 78 xalla ikinci yerdədir. Xosep Qvardiolanın komandası riyazi olaraq titul qazanmaq şansını itirib.
