PSJ-nin çempionluq bayramına icazə verilmədi
PSJ gələn həftəsonu “Park de Prens”də potensial Liqa 1 çempionluq şənliyi keçirə bilməyəcək.
Msport.az xəbər verir ki, paytaxt təmsilçisi “Paris”lə ev oyunundan sonra şənliklər təşkil etməyi planlaşdırırdı, lakin yerli polis tədbirə icazə verməyib.
Rədd edilmənin əsas səbəbləri təhlükəsizliklə bağlı narahatlıqlar və belə gec saatlarda kütləvi şənlik təşkil etməyin çətinliyi olub. Matçın Bakı vaxtı ilə təxminən saat 01:00-da (yerli vaxtla 23:00) başa çatacağı gözlənilir. Ona görə də “Park de Prens” stadionu yaxınlığında böyük izdihamı idarə etmək çox problemli hesab olunur.
PSJ hazırda daha bir tituldan cəmi 1 addım aralıdadır. Luis Enrikenin komandası sona 2 tur qalmış “Lans”dən 6 xal irəlidədir və daha çox qol fərqinə malikdir. Bu gün keçiriləcək növbəti oyunda qələbə rəsmi olaraq PSJ Liqa 1-in qızıl medalını təmin edəcək.
