"Qarabağ"ın qapışısı: "Nə Noyer, nə də Buffon “Qızıl top”u alıb”
“Kimsə “Qızıl top”u qazansa, o zaman Lev Yaşini üstələyəcək”.
Msport.az xəbər verir ki, bunu “Qarabağ”ın qapıçısı Andrey Lunyov deyib.
32 yaşlı rusiyalı qolkiper ölkəsinin futbol tarixində kimləri ən böyük qapıçı hesab etməsi ilə bağlı fikirlərini bölüşüb: “İqor Akinfeyev Rusiya futbolunun əfsanəsi, bütün ağlasığmaz rekordları qırmış insandı. O, böyük hörmətə layiqdi. Amma Yaşin dünyada “Qızıl top”u qazanan yeganə qapıçıdı. Dünyanın hansı qapıçısı onunla müqayisə edilə bilər? Nə Noyer, nə də Buffon “Qızıl top”u alıb”.
Qeyd edək ki, Andrey Lunyov bu mövsümün əvvəlindən “Qarabağ”ın qapısını qoruyur.
