“Qarabağ”ın U-19 komandası “Atletik”ə uduzdu
“Qarabağ”ın U-19 komandası UEFA Gənclər Liqasında III tur oyununu keçirib.
Msport.az xəbər verir ki, Ağdam təmsilçisi səfərdə “Atletik”lə qarşılaşıb.
Rəşad Sadiqovun komandası görüşdə 0:3 hesabı ilə məğlub olub. Oyunu İsraildən olan hakimlər briqadası idarə edib. Referi Qal Levi olub.
Hazırda turnir cədvəlində “Qarabağ” 0 xalla 36-cı, “Atletik” isə 9 xalla 1-cidir.
Qeyd edək ki, “Qarabağ” U-19 ilk matçında “Benfika”ya (1:7), 2-ci oyununda isə “Kopenhagen”ə (0:5) uduzub.
