“Real”ın futbolçusu uğrunda əzəli rəqiblərin mübarizəsi
“Liverpul” və “Mançester Yunayted” “Real”ın yarımmüdafiəçisi Orelyen Çuameni ilə maraqlanır.
Msport.az xəbər verir ki, “Los Blancos”un potensial yeni baş məşqçisi onu satmaq qərarına gələrsə, hər iki klub 26 yaşlı futbolçuya olan marağını artıra bilər.
Fransız yarımmüdafiəçinin hazırkı müqaviləsinin iki ili qaldığı nəzərə alınmaqla, onun xidmətlərində maraqlı olan klublar təxminən 80-90 milyon avro ödəməli olacaqlar. “Real” rəhbərliyinin Çuameni ilə müqaviləni 2031-ci ilə qədər uzatmağı planlaşdırdığı vurğulanır.
Bu mövsüm yarımmüdafiəçi bütün yarışlarda 45 oyunda meydana çıxıb, iki qol vurub və iki məhsuldar ötürmə edib.
