RƏSMİ - "Yuventus" Di Mariyanın transferini açıqladı
“Yuventus” Anxel Di Mariyanın transferini açıqlayıb. Msport.az Turin klubunun rəsmi saytına istinadən xəbər verir ki, argentinalı futbolçunun müqavilə müddəti açıqlanmayıb. Mətbuatda yayılan xəbərlərə görə, 34 yaşlı vinger bir illik anlaşmaya imza atmalı idi.
Di Mariyanın PSJ ilə müqaviləsi başa çatdığından o, İyulun 1-də azad agent sayılır. Futbolçunun transferini “Yuve”nin baş məşqçisi Massimiliano Alleqri istəyib.
Argentiya millisinin üzvü PSJ-də 295 oyunda 93 qol vurub və 119 məhsuldar ötürmə verib. O, Paris klubunun heyətində beş dəfə Fransa çempionu olub.
