Ronaldo 970-ci qolunu vurdu
Kriştiano Ronaldo peşəkar karyerasının 970-ci rəsmi qolunu Səudiyyə Pro Liqasında vurduğu möhtəşəm qolla qeyd edib.
Msport.az xəbər verir ki, 41 yaşlı hücumçu karyerasının bu əlamətdar yubiley qoluna “Əl-Nəsr”in öz meydanında “Əl-Əhli”yə 2:0 hesabı ilə qalib gəldiyi oyunda imza atıb.
Qarşılaşmada Ronaldo matçın 76-cı dəqiqəsində künc zərbəsindən ötürülən topu dəqiq baş zərbəsi ilə rəqib qapısından keçirərək hesabı açıb. Bu qol həm də “Əl-Nəsr”in çempionluq yarışındakı mövqeyini daha da möhkəmləndirib.
