Rusiya mətbuatı "Qarabağ" haqqında - "Nəticəyə Lunyovun oyunu yox, "Bayer"in səviyyəsi təsir göstərdi"
“Qarabağ” UEFA Avropa Liqasının qrup mərhələsində növbəti oyununu səfərdə “Bayer”ə qarşı keçirib. Azərbaycan çempionu Leverkuzendə böyük hesabla məğlub olub – 1:5.
Msport.az xəbər verir ki, Rusiyanın nüfuzlu “championat.com” saytı Ağdam klubunun Bundesliqa ilə təmsilçisindən geniş yazı hazırlayıb. Lakin məqalədə daha çox rusiyalı qapıçı Andrey Lunyovun performansı dəyərləndirilib:
“Lunyovun almanlara necə gözəl qapıçını itirdiklərini göstərmək şansı var idi. Alındı? O qədər də yox.
Artıq 4-cü dəqiqədə “Bayer” məhsuldar hücum təşkil etdi. Qrimaldo 11 metrlik nöqtənin ətrafına ötürmə verdi. Virtsə belə anda yanılmaq qol vurmaqdan daha çətin olardı. O, səhvə yol vermədi.
Burda Lunyova heç bir irad yoxdur. Bu epizodda heç bir qapıçı komandasını xilas edə bilməzdi.
Növbəti 10 dəqiqə sakit keçdi. Qrimaldonun cərimə zərbəsindən sonra Andreyin çıxışda topu götürməyi kimi.
“Qarabağ” meydanın rəqibə aid hissəsində “Bayer”ə pressinq etməkdən çəkinmirdi və bunun sayəsində penalti qazandı. Caka Juninyonu yıxdı və braziliyalı futbolçuya görə penalti təyin olundu. Bayramov Kovarjla dueldən qalib ayrılaraq hesabı bərabərləşdirdi.
Almanlar başa düşdülər ki, asanlıqla qalib gələ bilməyəcəklər və rəqibə təzyiq göstərməyə başladılar. Bir neçə dəqiqə ərzində Bonifase yaxın məsafədən qapıya düşə bilmədi, Adli qapı tirini nişan aldı, Cəfərquliyev isə topu boş qapıdan çıxardı. Hər 3 epizodda Lunyov qapısında qol görməli idi, ancaq bəxti gətirdi.
Bir qədər sonra Andrey Kossunun keçidini “oxuyub”, neytrallaşdırdı. “Bayer” sağ olsun ki, heç olmasa, aradabir sabiq qapıçısına özünü göstərməyə imkan yaradırdı.
Qonaqların bəxtinin gətirməsi 29-cu dəqiqədə başa çatdı. Qrimaldo Lunyova heç bir şans vermədi. Hərçənd o, topa toxuna bilmişdi.
Beş dəqiqə sonra Andrey Bonifasenin zəif zərbəsindən sonra topu tuta bildi. Axır ki, seyv!
Bir neçə saniyədən sonra “Bayer”in hücumçusunun uzaq məsafədən qüvvətli zərbəsi hədəfə tuş gəldi.
İkinci hissənin əvvəlində komanda yoldaşının trükünü Qrimaldo təkrarladı. Lunyov isə heç nəyi dəyişməyən tərzdə tullanmaqda davam elədi.
Təəccüblüdür ki, hətta 4 top burxıb – bunlardan ikisini uzaq məsafədən – komandanın böyükhesablı məğlubiyyətində günahkar olmaya bilərsən. Yəqin ki, Lunyov da belə fikirləşirdi. Çünki “Qarabağ”ın qapısına 5-ci qol məhz onun səhvindən sonra vuruldu.
Bonifasenin uzaq məsafədən zərbəsi elə də qüvvətli deyildi, lakin Lunyov topu önünə qaytardı.
Tapsob bu cür hədiyyəyə sevindi və topu boş qapıdan keçirdi. Təəssüf ki, bu epizodda rusiyalı qapıçının günahı aşkar idi.
“Qarabağ”a 5 qol vuran almanlar sakitləşdilər və daha Lunyovu narahat etmədilər. Qrimaldonun qapı tirinə dəyən topu var idi. Hətta həmin epizodda da top qapıya tərəf getsəydi, qaytarmaq mümkün olmayacaqdı.
Nəticədə, qəribə vəziyyət yarnır. Bir tərəfdən Andrey 5 qol buraxdı və komandasını xüsusi olaraq xilas edə bilmədi. Digər tərəfdən o, yalnız bir qolda günahkardır. Nəticəyə Lunyovun oyunundan çox, “Bayer”in səviyyəsi təsir göstərdi”.
