Şakira ilə Pikenin arası dəydi
“Barselona”nın futbolçusu Jerar Pike xanımı məşhur müğənni Şakira ilə ayrılıb.
Msport.az “El Periodico”ya istinadən xəbər verir ki, Şakira öyrənib ki, Pike ona başqa qızla xəyanət edir.
Müdafiəçi artıq bir neçə həftədir ki, öz köhnə mənzilində yaşayır.
Xəbərdə qeyd olunur ki, Kataloniya klubunun üzvü tez-tez “Biling Biling” və “Patron” gecə klublarına komanda yoldaşı Riki Puçla birgə gedir. Hər iki klubda Pike başqa xanımlarla görünüb.
Futbolçunun səhər məşqi olmasına baxmayaraq, gecə saat 2-3-ə kimi əyləncə məkanlarında qalıb.
Qeyd edək ki, Pike və Şakira 2011-ci ildən münasibətdı olsalar da, rəsmi nigaha girməyiblər. Cütlüyün iki uşağı var.
