"Şaxtyor"un yeni baş məşqçisi açıqlandı - RƏSMİ
Donetsk “Şaxtyor”nun yeni baş məşqçisinin adı açıqlanıb. Msport.az Ukrayna klubunun rəsmi saytına istinadən xəbər verir ki, xorvatiyalı İqor Yoviçeviçlə 2 illik müqavilə imzalanıb.
48 yaşlı mütəxəssis “Şaxtyor”un tarixində 35-ci məşqçi olub.
Qeyd edək ki, 2021-ci ilin mayından klubun sükanı arxasında olan Roberto De Dzerbi bu yaxınlarda istefa vermişdi.
Yoviçeviç buna qədər Ukraynada “Karpatı”, Sloveniyada “Tçele”, Xorvatiyada “Dinamo Zaqreb” klublarını çalışdırıb. Onun son komandası “Dnepr” olub.
