Spalletti "Napoli"də qalacaq - Prezident açıqladı
“Napoli”nin prezidenti Aurelio De Laurentis baş məşqçi Luçano Spallettinin baş məşqçi postunda qalacağını deyib.
Msport.az “Football İtalia”ya istinadən xəbər verir ki, Neapol klubu bu mövsüm A seriyasında çempionluq mübarizəsindən kənarda qalsa da, Spallettiyə yenidən iş birliyi təklif olunacaq:
“Spalletti yüksək səviyyəli məşqçidir. Onun müqaviləsi var. Mən həmişə deyirdim ki, bu 2 illik müqavilə olsa da, 3-cü mövsüm də uzadılması mümkündür. Spalletti burda qalacaq.
Səkkiz ay ərzində müsahibə vermədim, bu müddət ərzində məşqçini insan kimi tanımalı idim. Məncə, o əla məşçidir, insan kimi isə ciddi insandır. Bu iki keyfiyyət məni düşünməyə vadar edir ki, yenidən seçimdə hədəfə düşmüşəm”.
Qeyd edək “Napoli” gələn mövsüm Çempionlar Liqasında çıxış etmək hüququ qazanıb.