"Sürix" səfər formasını Bakıya gətirə bilməyib
Sürix” dünən Çempionlar Liqasının II təsnifat mərhələsinin ilk oyununda “Qarabağ”a qarşı matça xüsusi formalarla çıxıb.
Msport.az xəbər verir ki, İsveçrə klubunun geydiyi forma yalnız “Qarabağ”la oyunda geyinilib və satışa çıxarılmayıb. Klubun yeni səfər formasının çatdırılmasında problem yarandığı üçün xüsusi qara formalardan istifadə olunub.
“Sürix”in yeni mövsüm üçün ev və səfər formaları iyulun sonlarında fan-maqazində və həmçinin onlayn şəkildə satışa çıxarılacaq.
“Qarabağ” “Sürix”lə cavab oyununu iyulun 27-də İsveçrədə keçirəcək.
