Tarixin ən bahalı transferi ola bilər – “Barselona”lı
“Barselona”nın gənc ulduzu Pedri dünya futbol tarixinin ən bahalı transferlərindən birinə imza ata bilər.
Msport.az xəbər verir ki, Kataloniya təmsilçisi ispaniyalı yarımmüdafiəçi üçün rekord sayılacaq 235 milyon dollarlıq rəsmi təklif alıb.
Bu astronomik məbləği ödəməyə hazır olan klub Səudiyyə Ərəbistanı təmsilçisidir, lakin komandanın adı hələlik gizli saxlanılır. İddialara görə, “Barselona”nın maliyyə vəziyyətini nəzərə alsaq, bu rəqəm klub rəhbərliyi üçün olduqca cəlbedicidir.
Buna baxmayaraq, 23 yaşlı futbolçunun özü bu təkliflə qətiyyən maraqlanmır. Pedri karyerasını Avropanın yüksək səviyyəli futbolunda davam etdirmək və “Barselona” ilə yeni uğurlar qazanmaq niyyətindədir.
