Təhdid alan futbolçu “Mançester Yunayted”i tərk etməyəcək
“Mançester Yunayted”in mərkəz müdafiəçisi Qarri Maquayr aldığı təhdidlərə baxmayaraq, komandanı tərk etməyəcək.
Msport.az “The Sun”a istinadən xəbər verir ki, bu barədə futbolçu yaxın dostlarına məlumat verib:
“Qarri belə həfə-qorxulara görə “Mançester Yunayted”dən getməyəcək. Onun üçün ailəsinin təhlükəsizliyi həmişə 1 nömrəli məsələ olacaq. Ancaq onun bu problemin öhdəsindən gəlməyə gücü və xarakteri var. Görünür, bu hansısa qorxaq fanatın işləridir”.
Qeyd edək ki, kimsə futbolunun elektron ünvanına yoldaşı və iki uşağı ilə yaşadığı evin partladılacağı ilə bağlı məktub göndərmişdi. Polis evdə axtarış aparsa da, heç bir partladıcı qurğu tapmamışdı.
