TOP-5 liqanın ən yaşlı klubları – “5-lik”
Beynəlxalq İdman Araşdırmaları Mərkəzi (CIES) Avropanın TOP-5 liqasında ən yaşlı komandanı açıqlayıb.
Msport.az xəbər verir ki, siyahıya İtaliya çempionu “Napoli” başçılıq edir.
Klubun futbolçularının orta yaşı 29,56 olaraq göstərilib. “Beşlik”dəki ən yaşlı digər komandalar isə belədir:
“Rayo Valyekano” – 29,5 yaş
“İnter” – 29,35 yaş
“Ovyedo” – 28,61 yaş
“Osasuna” – 28,57 yaş
“Napoli” Antonio Kontenin rəhbərliyi altında A Seriyasının yeni mövsümündə 5 oyundan sonra 12 xal toplayıb və yalnız əlavə göstəricilərə görə turnir cədvəlində lider “Milan”ın gerisində, 2-ci pillədə qərarlaşıb.
Qeyd edək ki, “Napoli” “Qarabağ”ın UEFA Çempionlar Liqasındakı rəqiblərindən biridir.
