“Turan Tovuz” “Araz-Naxçıvan”ı 1 qolla üstələdi
Azərbaycan Premyer Liqasında XXIII turun daha bir oyunu keçirilib.
Msport.az xəbər verir ki, “Turan Tovuz” doğma meydanda “Araz-Naxçıvan”ı qəbul edib.
Matçın taleyini 1 qol həll edib. Hayderson Hurtadonun 86-cı dəqiqədə vurduğu yeganə top “Turan Tovuz”a 1:0 hesablı qələbə qazandırıb.
Bu qalibiyyətdən sonra xallarının sayını 39-a çatdıran tovuzlular 4-cü pillədə qərarlaşıb. İkinci yerdə olan “Araz-Naxçıvan” isə 44 xalda qalıb.
Qeyd edək ki, XXIII turun qalan görüşləri sabah baş tutacaq.
