Turun formal matçları: “Neftçi” və “Qarabağ” ev oyununa çıxır
Bu gün Azərbaycan Premyer Liqasında 35-ci tura yekun vurulacaq.
Msport.az xəbər verir ki, son gündə 2 oyun keçiriləcək.
Əvvəlcə “Neftçi” doğma meydanında “Səbail”i qəbul edəcək. “Ağ-qaralar”ın avrokubok şansı qalmadığından və qəsəbə təmsilçisinin elitanı tərk edəcəyi dəqiqləşdiyindən, matçın heç bir əhəmiyyəti qalmayıb.
Bu sözlər turun bağlanış oyununa da aiddir. “Kəpəz”i qəbul edəcək “Qarabağ” çempionluğu rəsmiləşdiribsə, gəncəlilər də Premyer Liqadakı yerini təmin edib. Sadəcə, bu görüşdən sonra ağdamlılara çempionluq kuboku təqdim olunacaq.
Qeyd edək ki, turun ilk 3 oyunu dünən keçirilib.
Premyer Liqa
35-ci tur
18 may (bazar)
17:00. “Neftçi” – “Səbail”
Hakimlər: Nicat İsmayıllı, Zeynal Zeynalov, Şirmamed Mamedov, Emin Əliyev
VAR: Cavid Cəlilov
AVAR: Elvin Bayramov
Hakim-inspektor: Zöhrab Qədiyev
AFFA nümayəndəsi: Elman Musayev
“Neftçi Arena”
19:00. “Qarabağ” – “Kəpəz”
Hakimlər: Rəvan Həmzəzadə, Cəmil Quliyev, Rəhman İmami, Rauf Cabarov
VAR: Rəşad Əhmədov
AVAR: Əli Əliyev
Hakim-inspektor: Ömər Paşayev
AFFA nümayəndəsi: Elgiz Abbasov
“Azersun Arena”
