U-20 dünya çempionatı: İlk dəfə "çellenc vərəqə"sindən istifadə olundu - FOTO
Çilidə keçirilən U-20 dünya çempionatında finalçılardan biri məlum olub. Msport.az xəbər verir ki, yarımfinalda Mərakeş və Fransa milliləri qarşılaşıb.
Oyunun əsas vaxtı 1:1 hesabı ilə heç-heçə başa çatıb. Oyunsonrası penalti zərbələrini daha dəqiq yerinə yetirən (5:4) şimali afrikalılar finala vəsiqə qazanıblar.
Mərakeşin həlledici görüşdəki rəqibi Argentina olacaq. Final matçı oktyabrın 20-də keçiriləcək.
Qeyd edək ki, Mərakeş-Fransa qarşılaşmasında “çellenc vərəqəsi”ndən istifadə olunub.
Mərakeş komandasının baş məşqşisi Məhəmməd Uabi 72-ci dəqiqədə vərəqəni aktivləşdirib. FİFA-nın yeni qaydalarına əsasən, məşqçi hakimdən VAR-a baxmasını istəyib.
