UEFA "Qarabağ"a 1 milyon avrodan çox ödəniş etdi
UEFA “Qarabağ” klubuna 1,320,105.00 (bir milyon üç yüz iyirmi min yüz beş) avro ödəniş edib.
Msport.az AFFA-nın rəsmi saytına istinadən xəbər verir ki, “köhlən atlar” bu məbləği Avropa Liqasının qrup mərhələsində qazanılan iki qələbə və turnirdə iştirakla əlaqədar alıb.
Vəsait milli assosiasiyanın vasitəçiliyi ilə ölkə çempionunun hesabına köçürülüb.
