Ukrayna millisi “Borussiya” ilə qarşılaşacaq
Ukrayna milli komandasının yoldaşlıq görüşlərindəki ilk rəqibi bəlli olub.
Msport.az xəbər verir ki, Aleksandr Petrakovun baş məşqçi olduğu komanda dünya çempionatının pley-off mərhələsinə hazırlıq məqsədilə Almaniyada Dormund “Borussiya”sı ilə üz-üzə gələcək.
Oyun mayın 11-də keçiriləcək.
Qeyd edək ki, Ukrayna millisi mayın 31-i və ya iyunun 1-də pley-off mərhələsinin yarımfinalında Şotlandiya ilə üz-üzə gələcək. Komanda qələbə qazanacağı təqdirdə, iyunun 5-də Uelslə görüşəcək. DÇ-2022-nin final mərhələsi noyabrın 21-dən dekabrın 18-dək təşkil olunacaq.
