Ukraynada çempionatın bərpası üçün 1,9 milyon avro ayırdı
Şaxtyor”un sahibi Rinat Axmetov Ukrayna çempionatının keçirilməsi üçün 1,9 milyon avro vəsait ayıracaq.
Msport.az xəbər verir ki, bu barədə klub açıqlama yayıb:
“Ukraynanın indiki ağır durumunda bir-birimizə inanmalı və kömək etməliyik. “Şaxtyor” Ukrayna Futbol Federasiyasının və klubların yeni mövsümdən Premyer Liqanı bərpa etmək niyyətini alqışlayır. Ölkədəki çətin iqtisadi durumla əlaqədar hamı çempionata lazımınca hazırlaşa bilmir. Bununla əlaqədar klub prezidenti Rinat Axmetov Premyer Liqa, birinci və ikinci liqa klublarına və uşaq futbolu layihələrinə 1,9 milyon avro dəstək verəcək” – deyə məlumatda bildirilir.
