Ukraynalı futbolçu Türkiyə klubunda
“Cenoa”nın ukraynalı yarımmüdafiəçisi Ruslan Malinovski karyerasını Türkiyədə davam etdirəcək.
Msport.az xəbər verir ki, 33 yaşlı mərkəz yarımmüdafiəçisi həmyerliləri Aleksandr Zubkov və Arseni Bataqovun artıq oynadığı “Trabzonspor” ilə üç illik müqavilə imzalayıb.
Ukraynalı oyunçu çempionat bitdikdən sonra Trabzona köçəcək. O, Super Liqa klubunda ilinə 1,2 milyon avro maaş alacaq.
Malinovski bu mövsüm “Cenoa”da 32 oyun keçirib, 6 qol vurub və 3 məhsuldar ötürmə edib.
