Vinisius “Real”ın son oyununu buraxacaq
Vinisius Junior “Real”ın çempionatdakı son oyununu buraxacaq.
Msport.az xəbər verir ki, Madrid klubunun La Liqada 38-ci turda “Atletik”ə qarşı bir oyunu qalıb.
Oyun 23 may şənbə günü keçiriləcək. “Los blankos” rəhbərliyi cinah yarımmüdafiəçisinə vaxtından əvvəl sərbəst buraxılmasına icazə verib, çünki “Real” artıq titul uğrunda mübarizə aparmır. Oyunçu 2026-cı il dünya çempionatına hazırlıq məqsədilə milli komanda yoldaşlarına qoşulmaq üçün Braziliyaya gedəcək.
Bu La Liqa mövsümündə Vinisius 36 oyun keçirib, 16 qol vurub və beş məhsuldar ötürmə edib. Onun statistikası ilə burada tanış ola bilərsiniz.
2026-cı il dünya çempionatı 11 iyun – 19 iyul tarixlərində ABŞ, Kanada və Meksikada keçiriləcək. Braziliya qrup mərhələsində Mərakeş, Haiti və Şotlandiya ilə qarşılaşacaq.
