Xames Rodriges ABŞ klubundan ayrıldı
ABŞ-ın “Minnesota” klubu yarımmüdafiəçisi Xames Rodrigeslə yollarını ayırıb.
Msport.az xəbər verir ki, bu barədə MLS təmsilçisinin mətbuat xidməti məlumat yayıb.
35 yaşlı futbolçu bu ilin fevralından “Minnesota”nın formasını geyinirdi. O, MLS-də keçirdiyi 8 oyunda 2 məhsuldar ötürmə edib.
Kolumbiyalı oyunçu Avropada “Real”, “Bayern”, “Monako” və “Portu” kimi klublardakı çıxışı ilə tanınıb. O, Kolumbiya millisinin heyətində 131 oyun keçirib və 31 qol vurub.
