Xavi səhvini etiraf etdi
“Barselona”nın baş məşqçisi Xavi İspaniya La Liqasında “Rayo Valyekano”ya məğlubiyyətdən sonra səhvini etiraf edib.
Msport.az Goal”a istinadən xəbər verir ki, o, komandasını oyuna yaxşı kökləyə bilmədiyini deyib.
42 yaşlı mütəxəssis qələbə üçün futbolçularını motivasiya edə bilmədiyini bildirib.
“Barselona” bütün turnirləri nəzərə alsaq, son 4 matçdan üçündə məğlub olub. Kataloniya klubu 33 turdan sonra 63 xalla 2-ci yeri tutur. “Barsa” lider “Real”dan 15 xal geri qalır.
