“Yuventus” braziliyalı futbolçu ilə müqavilə bağladı
“Yuventus” Qleyson Bremerin transferini anons edib. Msport.az xəbər verir ki, Turin klubu müdafiəçinin şəklini sosial şəbəkələrində paylaşıb.
Fabritso Romanonun məlumatına görə, futbolçu artıq “Yuve” ilə 2027-ci ilədək müqavilə bağlayıb.
Bu gün o, tibbi müayinədən keçdikdən sonra klub rəsmən transferi açıqlayacaq. “Yuventus” 25 yaşlı oyunçunun keçidinə görə, “Torino”ya 40+7 milyon avro ödəyəcək.
Braziliyalı futbolçu ötən mövsüm A seriyasında 33 oyunda 3 qol vurub və bir məhsuldar ötürmə verib.
