“Zenit” “Qalatasaray”lıya göz dikdi
“Qalatasaray” və Türkiyə millisinin müdafiəçisi Eren Elmalıya Rusiyadan təklif gəlib.
Msport.az xəbər verir ki, “Zenit” Elmalını transfer etmək istəyir.
Sankt-Peterburq təmsilçisi dünya çempionatından sonra Erenlə müqavilə imzalamaq niyyətindədir. Amma türk futbolçu özü bu barədə qərarını verməyib.
Onun “Qalatasaray”la müqavilə müddəti 2028-ci il iyunun 30-na qədərdir. O, karyerası ərzində “Kasımpaşa”, “Silivrispor”, “Trabzonspor” klublarında oynayıb.
