“Zirə” “Sumqayıt”ı məğlub etdi
Azərbaycan Premyer Liqasında XXXI turun son oyunu keçirilib.
Msport.az xəbər verir ki, qapanış matçında “Zirə” “Sumqayıt”ı qəbul edib.
Görüş Bakı klubunun qələbəsi ilə yekunlaşıb – 3:1. Meydan sahiblərinin heyətində 6-cı dəqiqədə Giorgi Papunaşvili, 45+1-ci dəqiqədə Martins Junior, 89-cu dəqiqə Salifu Suma fərqləniblər. Qonaqlarda Bobur Abdixolikov 52-ci dəqiqədə adını tabloya yazdırıb.
Bu nəticədən sonra xallarının sayını 61-ə çatdıran “Zirə” ikinci pillədə qərarlaşıb. “Gənclik şəhəri” təmsilçisi 29 xalla səkkizinci sıradadır.
Günün ilk matçında “Şamaxı” evdə “Kəpəz”i məğlub edib – 2:1.
Qeyd edək ki, turun əvvəlki oyunlarında “Qarabağ” “Neftçi”ni 3:0, “Sabah” “Səbail”i 3:2 hesabı ilə üstələyib. “Araz-Naxçıvan” – “Turan Tovuz” görüşündə isə qalib müəyyənləşməyib – 1:1.
