18 yaşlı futbolçu qarət olundu
“Monako”nun futbolçusu Corc İleniçena qarət olunub.
Msport.az “Le Parisien” nəşrinə istinadən xəbər verir ki, 18 yaşlı oyunçu Parisin cənubundakı Korbeil-Eson qəsəbəsində qarət edilib.
Tanışlarından birinin ad günündən ayrılan nigeriyalı dostu ilə “Volkswagen Golf” markalı avtomobilin sükanı arxasına keçib və bu zaman üzləri maskalı, bəzilərində odlu silah olan azı dörd naməlum şəxs onlara yaxınlaşıb.
Futbolçu bahalı ayaqqabı, “iPhone” telefonunu və avtomobilin açarlarını onlara verməyə məcbur olub. Hücum edənlər “Volkswagen”-ə miniblər, lakin hərəkətə başlayan kimi yaxınlıqda dayanmış avtomobilə çırpılıblar, daha sonra düşərək qaçıblar.
İleniçena dərhal polisə zəng vurub. Hazırda hüquq-mühafizə orqanlarının əməkdaşları cinayətkarları axtarır.
Forvard bu yay 18,75 milyon avroya “Antverpen”dən “Monako”ya keçib. O, bu mövsüm moneqasklıların heyətində 14 matçda iştirak edib, 2 qol vurub və 1 məhsuldar ötürmə edib.
